ശ്രീനാരായണസ്വാമിയുടെ ജന്മനാടായ ചെമ്പഴന്തി വാര്‍ഡില്‍ വസിക്കാനുള്ള ഭാഗ്യം സിദ്ധിച്ച ഈയുള്ളവന്‍, അദ്ദേഹത്തിന്‍റെ 155-മത് ജയന്തി ആഘോഷം ചിങ്ങമാസത്തിലെ ചതയം നാളില്‍ ചെമ്പഴന്തിയില്‍ സമുചിതമായി ആഘോഷിച്ചപ്പോള്‍ അവിടെ എത്തു കുറച്ചു ഫോട്ടോകള്‍ ക്ലിക്ക് ചെയ്തു. എന്തായാലും ഇന്റര്‍നെറ്റില്‍ കിടക്കട്ടെ അവയെല്ലാം, ആര്‍ക്കെങ്കിലുംഉപയോഗപ്പെടട്ടെ!
ഈ അവസരത്തില്‍ നാരായണസ്വാമിയുടെ സമ്പൂര്‍ണ്ണ കൃതികള്‍ ഡൗണ്‍ലോഡ്‌ ചെയ്തു വായിക്കൂ. ലേഖനം മുഴുവന്‍ വായിക്കുക »

ഈയുള്ളവന്‍ വസിക്കുന്ന ശ്രീകാര്യം പഞ്ചായത്ത് ചെമ്പഴന്തി വാര്‍ഡിലെ ചേങ്കോട്ടുകോണം ആശ്രമത്തിനു സമീപത്തുള്ള അയ്യന്‍കോയിക്കല്‍ ലെയിനിലെ പുതുതായി രൂപീകൃതമായ അയ്യന്‍കോയിക്കല്‍ റെസിഡന്റ്സ് അസോസിയേഷന്‍ (AKRA) ഇക്കൊല്ലത്തെ ഓണം സമുചിതം ആഘോഷിച്ചു. വീട്ടിലെ തിരക്കുകള്‍ കാരണം എല്ലാ പരിപാടികളിലും പങ്കെടുക്കാനോ കാണാനോ അവസരം ലഭിച്ചതുമില്ല. എന്നിരുന്നാലും ഏതാനും ചിത്രങ്ങള്‍ ഇവിടെ ചേര്‍ക്കുന്നു. ലേഖനം മുഴുവന്‍ വായിക്കുക »

പതിനെട്ട് സിദ്ധര്‍കളില്‍പ്പെട്ട കുതംബൈ സിദ്ധരുടെ ഒരു പാട്ടാണ് (പാടല്‍) താഴെ കൊടുത്തിരിക്കുന്നത്. സിദ്ധമാര്‍ഗ്ഗത്തില്‍ യോഗം അഭ്യാസം ചെയ്തു ശാന്തിയായി സുഖിക്കുന്ന അവസ്ഥയെ അദ്ദേഹം വര്‍ണ്ണിക്കുന്നു. ഈയുള്ളവന് തമിഴ്‌ അറിയില്ല, ഒരു സുഹൃത്ത് മലയാളത്തില്‍ എഴുതി തന്നതാണ്.

വെട്ടാവെളിതന്നൈ മേയ്യന്റിരിപ്പോര്‍ക്കു
പട്ടയം ഏതുക്കെടി കുതംബായ് പട്ടയം ഏതുക്കെടി
മെയ്പൊരുള്‍് കണ്ടു വിളങ്കും മെയ്ഞാനിക്ക്
കര്‍്പ്പകങ്കളേതുക്കെടി കുതംബായ് കര്‍്പ്പകങ്കളേതുക്കെടി
കാണാമല്‍് കണ്ടു കരുന്തോടിരിപ്പോര്‍ക്കു
വീണാശൈ ഏതുക്കെടി കുതംബായ് വീണാശൈ ഏതുക്കെടി
വഞ്ചകമറ്റു വഴിതനൈകണ്ടോര്‍്ക്കു
ചഞ്ചലമേതുക്കെടീ കുതംബായ് ചഞ്ചലമേതുക്കെടീ
ആതാരമാന അടിമുടികണ്ടോര്‍്ക്ക്
വാതാട്ടമേതുക്കെടീ കുതംബായ് വാതാട്ടമേതുക്കെടീ ലേഖനം മുഴുവന്‍ വായിക്കുക »

ഹിന്ദുക്കളുടെ പരമോല്‍കൃഷ്ടങ്ങളായ ഗ്രന്ഥങ്ങള്‍ വേദങ്ങളാണെന്നും, അവ ഋക്, യജുസ്സ്, സാമം, അഥര്‍വം എന്നിവയാണെന്നും അറിവുള്ളതാണല്ലോ. വേദങ്ങളിലെ ജ്ഞാനകാണ്ഡത്തിന്‍റെ സാരാംശമാണ് ഉപനിഷത്തുക്കള്‍ എന്നുപറയാം. ഉപനിഷത്‌ ശബ്ദത്തെ പലപ്രകാരത്തില്‍ അര്‍ത്ഥം പറയുന്നു. ഗുരുപാദാന്തികത്തില്‍ ഇരുന്നു പഠിക്കപ്പെടുന്നതുകൊണ്ട് ഉപനിഷത്‌ എന്ന പേരുണ്ടായി എന്നും, ഗുരൂപദേശത്തെ ലഭിച്ചു നിഷ്ഠയോടുകൂടി പരിശീലിക്കുന്ന വിദ്യ എന്നും പറയപ്പെടുന്നു. ഈശം, കേനം, കഠം, പ്രശ്നം, മുണ്ഡകം, മാണ്ഡൂക്യം, തൈത്തിരീയം, ഐതരേയം, ഛാന്ദ്യോഗ്യം, ബൃഹദാരണ്യകം എന്നിവയെയാണ് പ്രധാനപ്പെട്ട ദശോപനിഷത്തുകള്‍ എന്നുപറയപ്പെടുന്നത്‌. ലേഖനം മുഴുവന്‍ വായിക്കുക »

പ്രജാതല്‍പരനായ മാവേലിയെ ഭയന്ന്, ദേവന്മാരുടെ അഭ്യര്‍ഥനപ്രകാരം, ഭഗവാന്‍ വിഷ്ണു വാമനനായി അവതാരമെടുത്ത്, മൂന്നടി മണ്ണ് ചോദിച്ചു മാവേലിയെ വഞ്ചിച്ച് പാതാളത്തിലേയ്ക്ക് ചവിട്ടി താഴ്ത്തി എന്നും, പ്രജകളെ കാണാനായി എല്ലാ വര്‍ഷവും തിരുവോണദിവസം കേരളത്തില്‍ വരാനുള്ള അനുവാദം കൊടുത്തു എന്നുമൊക്കെയാണല്ലോ ഐതീഹ്യം. എന്നാല്‍ ഐതീഹ്യകഥകള്‍ക്കപ്പുറത്ത്, ഭാഗവതത്തിലെ അഷ്ടമസ്കന്ധത്തിലെ പതിനെട്ടു മുതല്‍ ഇരുപത്തി മൂന്ന് വരെയുള്ള അദ്ധ്യായങ്ങളില്‍ മഹാബലികഥ വിസ്തരിച്ചു പറഞ്ഞിട്ടുണ്ട്. ഭാഗവതത്തിലെ മഹാബലിയെ വാമനന്‍ പാതാളത്തിലേയ്ക്ക് ചവിട്ടിത്താഴ്ത്തിയിട്ടില്ല. വാമനനായ വിഷ്ണുഭഗവാന്‍ സ്വന്തം കാല്‍പ്പാദം മഹാബലിയുടെ ശരസ്സില്‍ വച്ച് അനുഗ്രഹിച്ചിട്ട്‌ മഹാബലിയെ പിതാമഹനായ ഭക്ത പ്രഹ്ലാദനോടും അനുയായികളോടും കൂടി സ്വര്‍ഗ്ഗത്തെക്കാള്‍ സുന്ദരമായ സുതലത്തിലേക്ക് പോകാന്‍ അനുവദിച്ചു. ഭഗവാന്‍ അവിടെ സുതലദ്വാരത്തില്‍ മറ്റു പ്രശ്നങ്ങളില്‍ നിന്നും അവരെ രക്ഷിച്ചു കാവല്‍ക്കാരനായി നിലകൊണ്ടു എന്ന് ഭാഗവതം പറയുന്നു. ലേഖനം മുഴുവന്‍ വായിക്കുക »

ശ്രീ വിദ്യാധിരാജ പരമ ഭട്ടാര ചട്ടമ്പിസ്വാമി തിരുവടികള്‍ രചിച്ച അദ്വൈതചിന്താപദ്ധതി എന്ന ഗ്രന്ഥം നിങ്ങളുടെ വായനക്കായി സമര്‍പ്പിക്കുന്നു. ആദ്ധ്യാത്മികവിഷയങ്ങളിലുള്ള താല്‍പര്യവും മുന്‍വിധികളില്ലാതെ ആഴത്തില്‍ ചിന്തിക്കാനുള്ള മനസ്സും ഉണ്ടെങ്കില്‍ മാത്രമേ ഈ ഗ്രന്ഥം വായിക്കുന്നതുകൊണ്ട് പ്രയോജനമുണ്ടാവൂ എന്നത്രേ.
ആദ്ധ്യാരോപാപവാദങ്ങള്‍ , ശരീരതത്ത്വസംഗ്രഹം , ജഗന്മിഥ്യാത്ത്വവും ബ്രഹ്മസാക്ഷാത്കാരവും , തത്ത്വമസിമഹാവാക്യോപദേശം , ചതുര്‍വേദമഹാവാക്യങ്ങള്‍ , ശ്രുതിസാരമഹാവാക്യപ്രകരണം എന്നീ അദ്ധ്യായങ്ങളിലായി അദ്വൈതചിന്തയെ ചട്ടമ്പിസ്വാമി ചുരുക്കി വിവരിച്ചിരിക്കുന്നു.
അദ്വൈതചിന്താപദ്ധതി ഡൗണ്‍ലോഡ്‌ ചെയ്യൂ. [PDF, 5.2MB, 100 pages] (ഈ ഗ്രന്ഥം യൂണികോഡ് അല്ല, … ലേഖനം മുഴുവന്‍ വായിക്കുക »

ഇവിടെ MP3 ഡൗണ്‍ലോഡ്‌ ചെയ്യൂ.
ഇവിടെ കേള്‍ക്കൂ. [Audio clip: view full post to listen]
അത്ര്യാശ്രമപ്രവേശം
അത്രിതന്നാശ്രമം പുക്കു മുനീന്ദ്രനെ
ഭക്ത്യാ നമസ്കരിച്ചു രഘുനാഥനും.
‘രാമോഹമദ്യ ധന്യോസ്മി മഹാമുനെ!
ശ്രീമല്‍പദം തവ കാണായ കാരണം.’
സാക്ഷാല്‍ മഹാവിഷ്ണു നാരാ‍യണന്‍ പരന്‍
മോക്ഷദനെന്നതറിഞ്ഞു മുനീന്ദ്രനും
പൂര്‍ജിച്ചിതര്‍ഗ്ഘ്യപാദ്യാദികള്‍ കൊണ്ടു തം
രാജീവ ലോചനം ഭാതൃഭാര്യാന്വിതം.
ചൊല്ലിനാന്‍ ഭൂപാലനന്ദനന്മാരോടു: ലേഖനം മുഴുവന്‍ വായിക്കുക »

ഇവിടെ MP3 ഡൗണ്‍ലോഡ്‌ ചെയ്യൂ.
ഇവിടെ കേള്‍ക്കൂ. [Audio clip: view full post to listen]
ഭരതന്‍റെ വിലാപം
അന്നേരമാശുഭരതനും രാമനെ-
ച്ചെന്നു തൊഴുതു പറഞ്ഞു തുടങ്ങിനാന്‍:
‘രാമരാമ പ്രഭോ! രാമ! മഹാഭാഗ!
മാമകവാക്യം ചെവിതന്നു കേള്‍ക്കണം.
ഉണ്ടടിയനഭിഷേകസംഭാ‍രങ്ങള്‍
കൊണ്ടുവന്നിട്ട,തുകൊണ്ടിനി വൈകാതെ
ചെയ്കവേണമഭിഷേകവും പാലനം
ചെയ്ക രാജ്യംതവ പൈത്ര്യം യഥോചിതം.
ജേഷ്ഠനല്ലൊ ഭവാന്‍ ക്ഷത്രിയാണാമതി
ശ്രേഷ്ഠമാം ധര്‍മ്മം പ്രജാപരിപാലനം.
അശ്വമേധാദിയും ചെയ്തു കീര്‍ത്ത്യാ ചിരം
വിശ്വമെല്ലാം പരത്തിക്കുലതന്തവേ
പുത്രരേയും ജനിപ്പിച്ചു രാജ്യം നിജ
പുത്രങ്കലാക്കി വനത്തിനുപോകണം. ലേഖനം മുഴുവന്‍ വായിക്കുക »

ഇവിടെ MP3 ഡൗണ്‍ലോഡ്‌ ചെയ്യൂ.
ഇവിടെ കേള്‍ക്കൂ. [Audio clip: view full post to listen]
ഭരതന്‍റെ വനയാത്ര
‘ചിത്തേ നിനക്കിതു തോന്നിയതത്ഭുത-
മുത്തമന്മാരിലത്യുത്തമനല്ല്ലോ നീ.’
സാധുക്കളേവം പുകഴ്ത്തുന്ന നേര-
മാദിത്യദേവനുദിച്ചു, ഭരതനും
ശത്രുഘ്നനോടു കൂടെപ്പുറപ്പെട്ടിതു;
തത്ര സുമന്ത്രനിയോഗേന സൈന്യവും
സത്വരം രാമനെക്കാണാന്‍ നടന്നിതു
ചിത്തേ നിറഞ്ഞു വഴിഞ്ഞ മോദത്തോടും
രാജദാരങ്ങള്‍ കൌസല്യാദികള്‍ തദാ
രാജീവനേത്രനെക്കാണാന്‍ നടന്നിതു. ലേഖനം മുഴുവന്‍ വായിക്കുക »

ഇവിടെ MP3 ഡൗണ്‍ലോഡ്‌ ചെയ്യൂ.
ഇവിടെ കേള്‍ക്കൂ. [Audio clip: view full post to listen]
സംസ്കാരകര്‍മ്മം
ശ്രുത്വാ ഗുരുവചനം നൃപനന്ദനന്‍
കൃത്വാ യഥാവിധി സംസ്കാരകര്‍മ്മവും
മിത്രഭൃത്യാമാതൃസോദരോപാദ്ധ്യായ-
യുക്തനായോരു ഭരത കുമാരനും
താതശരീരമെണ്ണത്തോണി തന്നില്‍നി-
ന്നാദരപൂര്‍വമെടുത്തു നീരാടിച്ചു
ദിവ്യാംബരാഭരണാലേപനങ്ങളാല്‍
സര്‍വാംഗമെല്ലാമലങ്കരിച്ചീടിനാന്‍. ലേഖനം മുഴുവന്‍ വായിക്കുക »

ഇവിടെ MP3 ഡൗണ്‍ലോഡ്‌ ചെയ്യൂ.
ഇവിടെ കേള്‍ക്കൂ. [Audio clip: view full post to listen]
ഭരതപ്രലാപം
‘ഹാ താത! ദു:ഖസമുദ്രേ നിമജ്യ മാ-
മേതൊരു ദിക്കിനു പോയിതു ഭൂപതേ!
എന്നെയും രാജ്യഭാരത്തേയും രാഘവന്‍-
തന്നുടെ കൈയ്യില്‍ സമര്‍പ്പിയാതെ പിരി-
ഞ്ഞെങ്ങു പൊയ്ക്കൊണ്ടു പിതാവേ! ഗുണനിധേ!
ഞങ്ങള്‍ക്കുമാരുടയോരിനി ദൈവമേ!’
പുത്രനീവണ്ണം കരയുന്നതുനേര-
മുത്ഥാപ്യ കൈകേയി കണ്ണുനീരും തുട-
‘ച്ചാസ്വസിച്ചീടുക ദു:ഖേന കിം ഫല-
മീശ്വരകല്പിതമെല്ലാമറിക നീ. ലേഖനം മുഴുവന്‍ വായിക്കുക »

ഇവിടെ MP3 ഡൗണ്‍ലോഡ്‌ ചെയ്യൂ.
ഇവിടെ കേള്‍ക്കൂ. [Audio clip: view full post to listen]
നാരീജനവിലാപം
ദു:ഖിച്ചു രാജനാരീജനവും പുന-
രൊക്കെ വാവിട്ടു കരഞ്ഞു തുടങ്ങിനാ‍ര്‍.
വക്ഷസി താഡിച്ചു കേഴുന്ന ഘോഷങ്ങള്‍
തല്‍ക്ഷണം കേട്ടു വസിഷ്ഠമുനീന്ദ്രനും
മന്ത്രികളോടുമുഴറി സസംഭ്രമ-
മന്ത:പുരമകം പുക്കരുളിച്ചെയ്തു:
‘തൈലമയദ്രോണിതന്നിലാക്കുക് ധരാ-
പാലകന്‍തന്നുടല്‍ കേടുവന്നീടായ്‌വാന്‍.’
എന്നരുള്‍ചയ്തു ദൂതന്മാരേയും വിളി-
‘ച്ചിന്നുതന്നെ നിങ്ങള്‍ വേഗേന പോകണം.
വേഗമേറീടും കുതിരയേറിച്ചെന്നു
കേകയരാജ്യമകം പുക്കു ചൊല്ലുക. ലേഖനം മുഴുവന്‍ വായിക്കുക »

ഇവിടെ MP3 ഡൗണ്‍ലോഡ്‌ ചെയ്യൂ.
ഇവിടെ കേള്‍ക്കൂ. [Audio clip: view full post to listen]
ദശരഥന്‍റെ ചരമഗതി
മന്ത്രിവരനാം സുമന്ത്രരുമേറിയോ-
രന്തശ്ശുചാ ചെന്നയൊദ്ധ്യ പുക്കീടിനാന്‍.
വസ്ത്രേണ വക്ത്രവുമാച്ഛാദ്യ കണ്ണു നീ-
രത്യര്‍ത്ഥമിറ്റിറ്റു വീണും തുടച്ചുമ-
ത്തേരും പുറത്തുഭാഗത്തു നിര്‍ത്തിച്ചെന്നു
ധീരതയോടു നൃപനെ വണങ്ങിനാന്‍.
‘ധാത്രീപതെ! ജയ വീര മൌലേ ജയ
ശാസ്ത്രമതേ!ജയ ശൌര്യാംബുധേ! ജയ
കീര്‍ത്തി നിധേ! ജയ സ്വാമിന്‍!ജയ ജയ
മാര്‍ത്താണ്ഡഗോത്രജാതോത്തംസമേ! ജയ.’ ലേഖനം മുഴുവന്‍ വായിക്കുക »

ഇവിടെ MP3 ഡൗണ്‍ലോഡ്‌ ചെയ്യൂ.
ഇവിടെ കേള്‍ക്കൂ. [Audio clip: view full post to listen]
ചിത്രകൂടപ്രവേശം
‘സീതയാ സാര്‍ദ്ധം വസിപ്പതിനായൊരു
മോദകരസ്ഥലം കാട്ടിത്തരുവന്‍ ഞാന്‍
പോന്നാലു’മെന്നെഴുന്നള്ളിനാനന്തികേ
ചേര്‍ന്നുള്ള ശീഷ്യപരിവൃതനാം മുനി.
ചിത്രകൂടാചലഗംഗയോരന്തരാ
ചിത്രമായോരുടജം തീര്‍ത്തു മാമുനി
തെക്കും വടക്കും കിഴക്കും പടിഞ്ഞാറു-
മക്ഷിവിമോഹനമായ് രണ്ടു ശാലയും
നിര്‍മ്മിച്ചിവിടെയിരിക്കെന്നരുള്‍ ചെയ്തു; ലേഖനം മുഴുവന്‍ വായിക്കുക »

ഇവിടെ MP3 ഡൗണ്‍ലോഡ്‌ ചെയ്യൂ.
ഇവിടെ കേള്‍ക്കൂ. [Audio clip: view full post to listen]
വാല്മീകിയുടെ ആത്മകഥ
കര്‍ണാമൃതം തവ നാമമാഹാത്മ്യമോ
വര്‍ണിപ്പതിനാര്‍ക്കുമാവതുമല്ലല്ലൊ.
ചിന്മയനായ നിന് നാമ മഹിമയാല്
ബ്രഹ്മമുനിയായ് ചമഞ്ഞതു ഞാനെടോ.
ദുര്‍മ്മതി ഞാന് കിരാതന് മാരുമായ് പുരാ
നിര്‍മ്മദിയാദങ്ങള് ചെയ്തേന്‍ പലതരം
ജന്മമാത്ര ദ്വിജത്വം മുന്നമുള്ളതും
ബ്രഹ്മകര്‍മ്മങ്ങളുമൊക്കെ വെടിഞ്ഞു ഞാന്‍
ശൂദ്രസമാചാര തല്പരനായൊരു
ശൂദ്രതരുണിയുമായ് വസിച്ചേന്‍ ചിരം. ലേഖനം മുഴുവന്‍ വായിക്കുക »