വജ്രായുധത്താല് വൃത്രമോക്ഷം – ഭാഗവതം (144)
ഭഗവാന് സ്വയം ജീവികളെ ലോകത്തില് ജനിപ്പിക്കുന്നു. അച്ഛനമ്മമാര് വെറുമൊരു നിമിത്തം മാത്രം. ജീവനെടുക്കുന്നുതും അവിടുന്നു തന്നെ. മറ്റുളളവര് വെറും നിമിത്തം മാത്രം. ജിവിതം, ഐശ്വര്യം, പ്രശസ്തി തുടങ്ങിയ അനുഗ്രഹങ്ങള് തുടങ്ങി ഒരുവന് ആസ്വദിക്കുന്ന കാര്യങ്ങള് അതാതിന്റെ സമയങ്ങളില് അവനെ ബാധിക്കുന്നു. മറ്റുസമയങ്ങളില് അവന് ദുഃഖമുണ്ടാക്കുന്ന കാര്യങ്ങളാവും ഉണ്ടാവുക. അതുകൊണ്ട് ഒരുവന് പ്രശസ്തിയിലും കുപ്രശസ്തിയിലും തുല്യമനസ്കനായിരിക്കണം. ജയം, പരാജയം, സുഖദുഃഖങ്ങള്, ജനനമരണങ്ങള് എന്നിവയെ ഒരുപോലെ കാണണം. ലേഖനം മുഴുവന് വായിക്കുക »
ഒരു കര്ക്കിടകമാസം കൂടി വരവായി. എല്ലാ ദിവസവും പാരായണം ചെയ്യാനും മനനം ചെയ്യാനുമുള്ള ഒരുത്തമ ഗ്രന്ഥമാണ് അദ്ധ്യാത്മരാമായണം. എന്നിരുന്നാലും, കര്ക്കിടക മാസം കൂടുതല് പ്രാധാന്യത്തോടെ രാമായണപാരായണ മാസമായി അനുഷ്ഠിച്ചു വരുന്നു. അദ്ധ്യാത്മരാമായണം കിളിപ്പാട്ട് ഓഡിയോയും PDFഉം ശ്രേയസ്സില് നിന്ന് ഡൌണ്ലോഡ് ചെയ്യാം. കൂടാതെ സ്വാമി ഉദിത് ചൈതന്യാജിയുടെ രാമകഥാസാഗരം MP3യും സ്വാമി ജ്ഞാനാനന്ദ സരസ്വതിയുടെ രാമായണ തത്ത്വം MP3യും ശ്രവിക്കുന്നത് അദ്ധ്യാത്മരാമായണത്തില് അന്തര്ലീനമായിരിക്കുന്ന വേദാന്ത തത്ത്വം എളുപ്പത്തില് ഹൃദിസ്ഥമാക്കാന് സഹായിക്കും. 
വിമലമായ ധര്മ്മാചരണത്താല് പ്രശോഭിതമായ ഭാരതസംസ്കാരത്തിനു സര്വ്വഥാപ്രമാണമായി പ്രശോഭിക്കുന്ന ശ്രീ രമണമഹര്ഷികളെ കേരളീയര്ക്ക് ആദരപൂര്വം പരിചയപ്പെടുത്തുന്നതാണ് ഈ എളിയ ശ്രമം എന്ന് ഗ്രന്ഥകര്ത്താവായ ശ്രീ വി. കെ. ശങ്കരന്, തൃശ്ശിവപേരൂര് മുഖവുരയില് വ്യക്തമാക്കുന്നു. 
കേരളത്തിന്റെ മുഴുവന് പ്രൌഢിയും ഗാംഭീര്യവും ഉള്ക്കൊണ്ടു് തലസ്ഥാനനഗരിയുടെ ഹൃദയഭാഗത്ത് ശ്രീപത്മനാഭസ്വാമി ക്ഷേത്രം നിലകൊള്ളുന്നു. അനേകം പ്രത്യേകതകള് നിറഞ്ഞ ശ്രീപത്മനാഭസ്വാമിയുടെ വിഗ്രഹപ്രതിഷ്ഠ കടുശര്ക്കരബിംബമെന്ന് ഒറ്റവാക്കില് പറയാമെങ്കിലും ഇതിന്റെ നിര്മ്മിതി ഒരു നിസ്സാരകാര്യമല്ല. ബിംബനിര്മ്മാണവിധിയെക്കുറിച്ച് തന്ത്രസമുച്ചയത്തിലും താളിയോലഗ്രന്ഥങ്ങളിലും പ്രതിപാദിക്കപ്പെട്ടിട്ടുണ്ട്. കടുശര്ക്കരവിഗ്രഹത്തില് പന്തീരായിരത്തിയെട്ട് (12008) സാളഗ്രാമങ്ങള് ഉള്പ്പെടുത്തിയിരിക്കുന്നു എന്നതും പ്രധാനപ്പെട്ട മറ്റൊരു പ്രത്യേകതയാണ്. 
