സ്വാമി പരമാര്‍ത്ഥാനന്ദ ചിന്മയമിഷന്റെ സാന്ദീപനി സാധനാലയത്തില്‍ പഠിക്കുകയും സ്വാമി ദയാനന്ദജിയില്‍ നിന്ന് സന്യാസം സ്വീകരിക്കുകയും ചെയ്തു. ഇപ്പോള്‍ ചെന്നൈയില്‍ അദ്വൈത വേദാന്ത ശാസ്ത്ര ക്ലാസ്സുകളും സത്സംഗവും നടത്താറുണ്ട്. എല്ലാവര്‍ക്കും മനസ്സിലാകുന്നത്ര വളരെ ലളിതവും വ്യക്തവുമായി ഇംഗ്ലീഷ് ഭാഷയില്‍ ആണ് സ്വാമികള്‍ ഈ പ്രഭാഷങ്ങള്‍ നടത്തിയിട്ടുള്ളത്. പുരുഷാര്‍ത്ഥം, ശാസ്ത്രം, വര്‍ണ്ണ ധര്‍മ്മം, ആശ്രമധര്‍മ്മം, കര്‍മ്മയോഗം, ഉപാസന യോഗം, ജ്ഞാനയോഗം, ഭക്തി, സാധനാ ചതുഷ്ടയ സമ്പത്തി, ശരീരത്രയം, അവസ്ഥാത്രയവും പഞ്ചകോശവും, ആത്മ, സൃഷ്ടി, ജീവ-ഈശ്വര ഐക്യം, കര്‍മ്മ സിദ്ധാന്തം, തത്ത്വബോധം എന്നീ വിഷയങ്ങള്‍ ഈ പ്രഭാഷണങ്ങളില്‍ പ്രതിപാദിക്കുന്നു. ലേഖനം മുഴുവന്‍ വായിക്കുക »

ഈശ്വരസേവയെന്നാല്‍ ഈശ്വരനെ അന്വേഷിക്കലാണ്. അന്വേഷിക്കുന്നവന്‍, നിര്‍മമന്‍, ഏകാന്തന്‍ (മറ്റൊന്നിനെ ആശ്രയിക്കാത്തവന്‍), ലോകബന്ധങ്ങള്‍ വെടിഞ്ഞവന്‍, സത്വരജതമോ ഗുണങ്ങളോ അതിജീവിച്ചവന്‍, യോഗത്തേയും (നേടാനുള്ളത്) ക്ഷേമത്തേയും (നേടിയതിന്റെ സംരക്ഷണം), കര്‍മ്മഫലത്തേയും കര്‍മ്മത്തില്‍ ‘ഞാന്‍ ചെയ്തു’ എന്ന ഭാവത്തേയും സുഖദുഃഖാദി ദ്വന്ദങ്ങളേയും എന്തിന് വേദങ്ങളെപോലും ഉപേക്ഷിച്ച്, അതിവര്‍ത്തിച്ച് കേവലം കൈവല്യപ്രാപ്തിയില്‍ മാത്രം നിലകൊള്ളുന്നവനാണ് മായയെ ജയിക്കുന്നത്. ലേഖനം മുഴുവന്‍ വായിക്കുക »

ഹിന്ദുമതത്തിന് നേതാവുണ്ടായാല്‍ സനാതനധര്‍മ്മം നശിക്കും. ഒരു മതപുരോഹിതന്റെയും ആവശ്യമില്ലാതെ സത്യമറിഞ്ഞ് സ്വതന്ത്രനായി നിലനില്‍ക്കുവാനുള്ള തന്റേടമാണ് ഗീത നല്‍കുന്നത്. വസുദേവനന്ദനനായ ശ്രീകൃഷ്ണന്‍ എന്ന രൂപത്തെക്കുറിച്ചല്ല ഗീത പറയുന്നത്. വിശ്വത്തിനു മുഴുവന്‍ ആധാരമായ ചൈതന്യത്തെക്കുറിച്ചാണ്. അത് ഏതെങ്കിലുമൊരു ആകാരത്തില്‍ ഒതുക്കിനിര്‍ത്താന്‍ പാടില്ല.പ്രകൃതി ഭഗവാന്റെ സ്ഥൂലഭാവമാണ്. ലേഖനം മുഴുവന്‍ വായിക്കുക »

ഭൂമി എല്ലാം സഹിക്കുന്നു, എല്ലാ വൈവിധ്യങ്ങളേയും ഉള്‍ക്കൊള്ളുന്നു; ജലം എല്ലാ തടസ്സങ്ങളേയും മൃദുവായി അതിജീവിക്കുന്നു, എവിടെയും സ്വന്തം വഴി കണ്ടെത്തുന്നു; അഗ്നി എല്ലാം പരിശുദ്ധമാക്കുന്നു. ഇത്തരത്തിലുള്ള എല്ലാ സവിശേഷതകളേയും ഉള്‍ക്കൊള്ളാന്‍ നമുക്കും കഴിയണം. അതിനു പകരം ഭൂമിപൂജ നടത്തി എല്ലാവര്‍ക്കും പ്ലാസ്റ്റിക്ഗ്ലാസില്‍ പായസം നല്‍കി ആകെ മലിനമാക്കിയാല്‍ ഭൂമിയെ ദ്രോഹിക്കലാകും. നദീതീരത്തെ വിഷം വമിപ്പിക്കുന്ന ഫാക്ടറികള്‍ ആധുനിക കാലത്തെ കാളിയന്മാരാണ്.പലതരം ആഭരണങ്ങള്‍ നമ്മുടെ കാഴ്ചയാണ്. സ്വര്‍ണക്കടക്കാരന് എല്ലാം സ്വര്‍ണമാണ്. ഇങ്ങനെ എല്ലാം പഞ്ചഭൂതങ്ങള്‍ മാത്രമാണെന്നറിഞ്ഞ ധീരന് ഒന്നിലും മോഹമുണ്ടാകില്ല. ലേഖനം മുഴുവന്‍ വായിക്കുക »

ഏത് അറിഞ്ഞിട്ട് ഇവിടെ വീണ്ടും വേറൊന്നും അറിയേണ്ടതായി ഇല്ലയോ ആ ജ്ഞാനത്തെ അനുഭവസഹിതം ഒന്നൊഴിയാതെ പറഞ്ഞു തരാമെന്ന് ഭഗവാന്‍ പറയുന്നു. അത് നീ തന്നെയാണ്. (തത്ത്വം അസി). ഇത് ഉപദേശവാക്ക്യമാണ്. ഇതു കേട്ടവര്‍ അറിവ് ബ്രഹ്മമാണെന്നും (പ്രജ്ഞാനം ബ്രഹ്മ) ആത്മാവ് ബ്രഹ്മമാണെന്നും (അയമാത്മാബ്രഹ്മ) മനനം ചെയ്യുന്നു. അവസാനം അനുഭവ വാക്യമായി അഹം ബ്രഹ്മാസ്മി – ഞാന്‍ ബ്രഹ്മമാകുന്നു – പുറത്തു വരുന്നു. ലേഖനം മുഴുവന്‍ വായിക്കുക »

ആത്മീയചിന്ത തുടങ്ങിവച്ചവന് വിനാശം സംഭവിക്കുന്നില്ല. ശുഭകര്‍മ്മം ചെയ്ത ഒരുവനും ദുര്‍ഗതി വരില്ല. തുടങ്ങിവച്ച അറിവ് പരമമായ ശാന്തിയിലേക്ക് നിശ്ചയമായും നയിക്കും. നാം പൂര്‍ണരാണ്. പക്ഷേ, ജന്മമെടുക്കുമ്പോള്‍ ഭാഗികമായി മാത്രമേ പ്രകടമാകുന്നുള്ളു. നാം മോക്ഷത്തിനായി, പൂര്‍ണതയ്ക്കായി നിരന്തരം ആഗ്രഹിക്കുന്നു. എല്ലാറ്റിലും എല്ലായിടത്തും നാമുണ്ടായിരിക്കാന്‍, വിശ്വമായിത്തീരാന്‍ ആഗ്രഹിക്കുന്നു. നമ്മെ സത്യം ഗ്രഹിപ്പിക്കാനായി പലരും പല പ്രകാരത്തില്‍ ശ്രമിച്ചിട്ടുണ്ട്. എവിടെയൊക്കെയോ ആരൊക്കെയോ ആരംഭിച്ചതിന്റെ തുടര്‍ച്ചയാണ് നമ്മുടെ ഇപ്പോഴത്തെ അന്വേഷണവും. ലേഖനം മുഴുവന്‍ വായിക്കുക »

നിത്യമായതിനോടുള്ള രാഗവും അനിത്യമായതിനോടുള്ള രാഗമില്ലായ്മയുമാണ് വൈരാഗ്യം. മനസ്സിനെ സ്വദാസനാക്കാന്‍ കഴിയാത്തവന് യോഗം പ്രാപിക്കാനാകില്ല. മനസ്സിനെ സ്വാധീനത്തിലാക്കിയവന്‍, അറിഞ്ഞവന്‍ ഏതാഗ്രഹത്തേയും ബുദ്ധിയുമായി ചേര്‍ത്ത് ഇത് നിറവേറ്റേണ്ടതാണോ എന്ന് പരിശോധിക്കുന്നു. അവനാണ് യോഗത്തിനര്‍ഹമായവന്‍. ലേഖനം മുഴുവന്‍ വായിക്കുക »

ഈശ്വരനെന്നുകേള്‍ക്കുമ്പോള്‍ പൂജാമുറിക്കകത്തേക്കോ ക്ഷേത്രത്തിലേക്കോ ആണ് ചിന്ത പോകുക. ഇദം സര്‍വം ഈശാവാസ്യം എന്നറിഞ്ഞവന് എല്ലാം ഈശ്വരനാണ്. മനസ്സ് എവിടേക്കെങ്കിലും പോകട്ടെ അതൊക്കെ ഈശ്വരനാണെന്നറിയുക എന്നാണ് ഇവിടെ ഉദ്ദേശിക്കുന്നത്. ഇത് ഇന്നതാണ് എന്നറിയുക. ഉപയോഗിക്കുന്നവയിലെ അനുഭവിക്കുന്നതിലെ നിത്യതയെ അറിയുക. അവിടെ ഉപയോഗം കുറയുന്നില്ല, അനുഭവത്തെ ഉപേക്ഷിക്കുന്നില്ല. ലേഖനം മുഴുവന്‍ വായിക്കുക »

അരുതെന്ന് പറയുന്നതിനെ അനുഭവിക്കാനുള്ള ത്വര മനുഷ്യസഹജമാണ്. അരുത് എന്ന കല്പന ചെന്നുതറയ്ക്കുക വ്യക്തിയുടെ അഹംബോധത്തിലാണ്. സ്വാഭാവികമായി അതിനെ മറികടക്കാനുള്ള പ്രവണതയും വ്യക്തിയില്‍ ഉടലെടുക്കും. അരുതിനെ അഹങ്കാരത്തിന്റെ അന്നമായി വിശേഷിപ്പിക്കാം. വിലക്കിനുപരി എല്ലാറ്റിനെയും സ്വീകരിക്കുകയും അനുഭവിക്കുകയുമാണ് അഭികാമ്യം. അതുവഴി ആത്യന്തികമായി അതിനെ അപ്രസക്തമെന്നു നിരീക്ഷിക്കാനും അതിജീവിക്കാനും കഴിയും. എല്ലാറ്റിനെയും സ്വീകരിക്കുമ്പോള്‍ അഹന്തയുടെ വിനാശം സംഭവിക്കുന്നു. ലേഖനം മുഴുവന്‍ വായിക്കുക »

വൃക്ഷത്തെ കാണുമ്പോള്‍ ജാതി തിരിച്ചാണ് (മാവ്, തെങ്ങ്, കവുങ്ങ് എന്നിങ്ങനെ) കാഴ്ചയെങ്കില്‍ സത്യം മനസ്സിലാകുന്നില്ല. അവര്‍ണനീയമായ തലങ്ങളിലേക്ക് ദൃശ്യത്തേയും ശബ്ദത്തേയുമൊക്കെ കൊണ്ടുപോകുന്നതാണ് ധ്യാനം. മനനം ചെയ്യാന്‍ പറ്റുന്നതിലും അപ്പുറത്താണത്. വിശ്വം മുഴുവന്‍ ഒരു നടനമാണ്. നൃത്തത്തില്‍ നടനവും നര്‍ത്തകനും രണ്ടല്ല. അതുമായി ഇഴുകിച്ചേരണം. ആ ഭാവത്തില്‍ ഭൂമിയുടേയും നക്ഷത്രങ്ങളുടേയും സംഗീതം വരെ കേള്‍ക്കാം. ലേഖനം മുഴുവന്‍ വായിക്കുക »

ഒന്നിനുപിറകെ ഒന്നായി വരുന്ന വിചാരങ്ങളുടെ സമ്മേളനമാണ് മനസ്സ്. ഇതിലെ ഓരോ വിചാരത്തെയും നാം വിശകലനം ചെയ്ത് മറികടക്കുമ്പോഴാണ് ബോധത്തിലേക്കെത്തുക. നമ്മുടെ അകവെളിവില്‍ വിലയം പ്രാപിച്ചിരിക്കുന്ന ബോധമാണ് സൂക്ഷ്മശരീരം. ഇതിനെയും ഭേദിച്ച് ഉള്ളിലേക്ക് പ്രവേശിക്കാന്‍ ധ്യാനയോഗം പ്രാപ്തനാക്കുന്നു. ലേഖനം മുഴുവന്‍ വായിക്കുക »

നാം ആശ്രയിക്കേണ്ടത് നമ്മെത്തന്നെയാണ്. ഉള്‍ക്കാഴ്ചയുള്ള ബോധമനസ്സിലേക്ക് ആഴ്ന്നിറങ്ങിയ നമ്മളെ, അവനവനെ, സ്വയം ജയിച്ചവന് അവന്‍ തന്നെ ആത്മാര്‍ത്ഥ സുഹൃത്ത്. തന്നെത്തന്നെ ജയിക്കാത്തവന് അവന്‍ തന്നെ ശത്രു. നമ്മുടെ ശത്രു നാം തന്നെയാണ്. മനസ്സിനെ ജയിച്ച് പ്രശാന്തനായവന് ശീതോഷ്ണങ്ങളും സുഖദുഃഖങ്ങളും മാനാപമാനങ്ങളും, എല്ലാ വിപരീതങ്ങളും ഒരുപോലെയാകുന്നു. ലേഖനം മുഴുവന്‍ വായിക്കുക »

ഭാഗവതസപ്താഹത്തില്‍ ശ്രീ നൊച്ചൂര്‍ വെങ്കട്ടരാമന്‍ നടത്തിയ പ്രഭാഷണ പരമ്പരയുടെ പൂര്‍ണ്ണമായ MP3 ഓഡിയോ ശേഖരം നിങ്ങള്‍ക്ക് കേള്‍ക്കാനും ഡൗണ്‍ലോഡ്‌ ചെയ്യാനും മറ്റു സുഹൃത്തുക്കളുമായി പങ്കുവയ്ക്കാനുമായി ഇവിടെ ചേര്‍ക്കുന്നു. ഈ ഓഡിയോ ഫയലുകള്‍ ഇന്റര്‍നെറ്റിലും ഡിജിറ്റല്‍ MP3 പ്ലയറുകളിലും മൊബൈല്‍ഫോണുകളിലും മറ്റും കേള്‍ക്കുന്നതിനായി, വ്യക്തതയില്‍ കുറവുവരാതെ തന്നെ, encode ചെയ്തിട്ടുണ്ട്. എല്ലാ പ്രഭാഷണങ്ങളും കൂടി ഒരു MP3 സിഡിയില്‍ കോപ്പി ചെയ്യാവുന്നത്ര വലിപ്പമേയുള്ളൂ, ആകെ 389 MB മാത്രം. ലേഖനം മുഴുവന്‍ വായിക്കുക »

ഒരു നിമിഷം, ഒരു ചലനം മതി അറിവിന് കാരണമാകാന്‍. അതുണ്ടായാല്‍ നിയന്ത്രിതമായ മനസ്സുകൊണ്ട് യോഗപ്രാപ്തി നേടാനാകും. കര്‍മ്മഫലത്തില്‍ ചിന്ത വയ്ക്കാതെ, ചെയ്യേണ്ട കര്‍മ്മം ചെയ്യുന്നവന്‍ സന്ന്യാസിയാണ്. അവന്‍ നിമിഷംപ്രതി ജീവിക്കുന്നവനാണ്. ശത്രുപാളയത്തില്‍ കടന്നുചെന്ന യോദ്ധാവിനെപ്പോലെ ജാഗ്രതയുള്ളവനാണ്. വിജനമായ തെരുവുപോലെ നിസ്സംഗനാണ്. കര്‍മ്മം ചെയ്യാത്തവന്‍ യോഗിയോ സന്ന്യാസിയോ അല്ല. പുറമെയുള്ളതിനെ പുറത്തുതന്നെവയ്ക്കണം. ലേഖനം മുഴുവന്‍ വായിക്കുക »

ജ്ഞാനി എന്നു പറയുന്നത് മറ്റാരെയോ കുറിച്ചല്ല. ഏതൊരു സാധാരണക്കാരനും സാധാരണ ജീവിതം നയിച്ചുകൊണ്ട് ആയിത്തീരാവുന്നതാണത്. ഉള്ളിലെ ഒരു കൊളുത്തു നീങ്ങാന്‍ സ്വയമറിയാത്ത ഒരു നിമിഷം മതി. അന്ധകാരത്തില്‍ വരുന്ന മിന്നല്‍പ്പിണര്‍ കാണിച്ചു തരുന്ന കാഴ്ചയെ തുടര്‍ന്നു വരുന്ന എത്ര ഗഹനമായ ഇരുട്ടിനും വിസ്മൃതമാക്കാനാവില്ല. അറിവ് ഒരിക്കല്‍ സ്വായത്തമാക്കിയാല്‍ വിട്ടുപോകില്ല. എവിടെയാണോ അവിടെ തന്നെ, ആ അവസ്ഥയെ പൂര്‍ണമനസ്സോടെ സ്വീകരിച്ച് അറിയുക. അതിന് കാശിയിലോ ആശ്രമത്തിലോ പോകേണ്ട. ചന്തയുടെ നടുക്കാണ് ഇരുത്തിയിരിക്കുന്നതെങ്കില്‍ അവിടെയിരുന്ന് അറിയണം. മറ്റെവിടെ നിന്നും കിട്ടില്ല. ലേഖനം മുഴുവന്‍ വായിക്കുക »