സദാചാരം – ശ്രീനാരായണഗുരു (43)
നല്ലതൊരുവന് ചെയ്ത നല്ലകാര്യം മറപ്പത്
നല്ലതല്ലാത്തതുടനെ മറന്നീടുന്നതുത്തമം
ധര്മ്മം സദാ ജയിക്കുന്നു, സത്യം
ജയിക്കുന്നിങ്ങു സര്വ്വദാ
അധര്മ്മവും ജയിക്കുന്നി-
ല്ലസത്യവുമൊരിക്കലും.
നെല്ലിന്നു നീരു വിട്ടീടില്
പുല്ലിനും പോയിടുന്നത്
കല്ലിലത്രേ ജലം, നെല്ലില് -
ച്ചെല്ലും വഴി ചെറുക്കുകില്.
പേരും പ്രതിഭയും നല്ലോ-
രാരുമേ കൈവിടില്ലത്,
നേരറ്റ കൃപണര്ക്കൊട്ടും
ചേരാ, നേരേ വിപര്യയം.
ഒന്നുണ്ടു നേരു, നേരല്ലി-
തൊന്നും, മര്ത്ത്യര്ക്കു സത്യവും
ധര്മ്മവും വേണമായുസ്സ്
നില്ക്കുകില്ലാര്ക്കുമോര്ക്കുക.
ദത്താപഹാരം വംശ്യര്ക്കു
മത്തലേകീടുമെന്നതു
വ്യര്ത്ഥ മല്ല പുരാഗീരി-
തെത്രയും സത്യമോര്ക്കുക.
കൊടുത്തതു തിരിച്ചങ്ങോ-
ട്ടെടുക്കുന്നവനെത്രയും
നിസ്വനാമവനെക്കാളും
നിസ്വനില്ലാരുമൂഴിയില്.
[ Malayalam Spiritual EBooks ടൈപ്പ്സെറ്റ് ചെയ്തു സമര്പ്പിച്ച ശ്രീനാരായണഗുരു സമ്പൂര്ണ്ണ കൃതികളില് (PDF) നിന്ന്. ]
ഇമെയില് : sree@sreyas.in
നിങ്ങളുടെ അഭിപ്രായം രേഖപ്പെടുത്തൂ
എല്ലാ അഭിപ്രായങ്ങളും നിരീക്ഷണത്തിന് വിധേയമാണ്.