സാമ്പത്തിക മാന്ദ്യം എന്തുകൊണ്ട് സംഭവിക്കുന്നു?

സാമ്പത്തിക മാന്ദ്യം കൃഷിക്കാരെ എങ്ങനെ ബാധിക്കും? കേരളഫാര്‍മര്‍ കൃഷി കൂട്ടത്തില്‍ ഈ ചോദ്യം ഒരു അംഗം ഉന്നയിച്ചു. (നിങ്ങള്‍ ആ കൂട്ടത്തില്‍ അംഗമല്ലേ? അംഗമാകാനുള്ള സമയം അതിക്രമിച്ചിരിക്കുന്നു!)

ശോ… എനിക്ക് വയ്യേ, പിന്നെയും എന്തൊരു നല്ല ചോദ്യം! ഇതിനൊക്കെ വളരെ ശരിയായ ഒരു ഉത്തരം തരാന്‍ കഴിയുമായിരുന്നെങ്കില്‍ എനിക്ക് എന്നേ നോബല്‍ സമ്മാനം കിട്ടിയേനെ!

എന്നാലും എന്‍റെ വീക്ഷണം ഇങ്ങനെയാണ്.

Change is inevitable; change is constant. മാറ്റം അനിവാര്യമാണ്. ഈ പ്രപഞ്ചത്തില്‍ ഒരിക്കലും മാറാത്ത ഒരേയൊരു കാര്യമേയുള്ളൂ, അതാണ് ഈ മാറ്റം എന്ന വസ്തുത. മാറ്റം പരമസത്യമാണ്. അത് സംഭവിച്ചുകൊണ്ടേയിരിക്കും. ലോകചരിത്രവും പുരാണങ്ങളും ഒക്കെ അതുതന്നെയാണ് വിളിച്ചോതുന്നത്‌ എന്നാണ് ഈ എളിയവന്‍റെ വിശ്വാസം.

ഈ നൂറ്റാണ്ടില്‍ അമേരിക്കയാണ്, അമേരിക്കയുടെ ഡോളര്‍ ആണ്, ലോകത്തിന്‍റെ സാമ്പത്തിക ഗതി നിര്‍ണയിക്കുന്നത് എങ്കില്‍, പ്രകൃതിയുടെ നിയമം അനുസരിച്ച് അത് മാറാനുള്ള തുടക്കം ആയി കഴിഞ്ഞു എന്നാണ് എനിക്ക് തോന്നുന്നത്. അതിനര്‍ത്ഥം അമേരിക്കയെ തള്ളിപറയുക എന്നല്ല, മറിച്ച് പ്രകൃതി നിയമങ്ങളെ സ്വീകരിക്കുക എന്നാണ്. It’s the beginning of the new world order. ആര്‍ഷഭാരതത്തിനും നമ്മുടെ പൈതൃകത്തിനും ഈ അവസരത്തില്‍ ലോകനന്മയ്ക്കായി പ്രവര്‍ത്തിക്കാന്‍ ഉള്ള അനന്തമായ സാദ്ധ്യതകള്‍ ഉണ്ടാവും.

പണത്തിനു പിറകെ പോകുന്ന ഇന്നത്തെ മനുഷ്യനെ ചിന്തിക്കാന്‍ പ്രേരിപ്പിക്കാന്‍ അടുത്ത രണ്ടു വര്‍ഷത്തേക്ക് നീളാന്‍ സാദ്ധ്യതയുള്ള ഈ സാമ്പത്തിക മാന്ദ്യം സഹായിക്കും. അത് കര്‍ഷക സമൂഹത്തിനും പ്രകൃതിയില്‍ വിശ്വസിക്കുന്നവര്‍ക്കും നേട്ടം തന്നെയാവും.

ഇവിടെ എന്തെങ്കിലും സംഭവിക്കുന്നെങ്കില്‍ അതിന് മതിയായ ഒരു കാരണവും ഉണ്ടായിരിക്കും. ഇലക്ട്രോണ്‍ ന്യൂക്ലിയസ്സിനെ ഇടത്തോട്ടു ഭ്രമണം ചെയ്യുന്നത് എന്തിനാണ്? അപ്പോള്‍ അതിനും ഒരു കാരണം ഉണ്ട്. അതുപോലെ ഈ മാന്ദ്യത്തിനു പുറകിലും ഒരു നന്മയുണ്ടയിരിക്കും.

ഇനി ഒരു ലോകമഹായുദ്ധത്തെക്കാളും നല്ലത് ഈ സാമ്പത്തിക മാന്ദ്യം തന്നെ.

ഈ സാമ്പത്തിക മാന്ദ്യത്തിന്‍റെ പുറകെ പോകാതെ നിങ്ങളുടെ പുറകെ പോകൂ, നിങ്ങളുടെ ചിന്തകളെ പിടിക്കൂ, അവനെ അടക്കൂ, അപ്പോള്‍ എല്ലാ മാന്ദ്യവും തീരും.