ജി. ബാലകൃഷ്ണന് നായര് എന്ന വിഭാഗത്തിലെ ലേഖനങ്ങള്
ആത്മോപദേശശതകം പ്രഭാഷണങ്ങള് MP3 – ശ്രീ ബാലകൃഷ്ണന് നായര്
ആത്മസ്വരൂപം, സാധനാമാര്ഗ്ഗങ്ങള്, അനുഭൂതിദശകള്, വേദാന്തശാസ്ത്രത്തിലെ അന്തിമസിദ്ധാന്തങ്ങള്, ഇവയെല്ലാം പ്രതിപാദിക്കുന്ന ഒരുന്നത വേദാന്തഗ്രന്ഥമാണ് ആത്മോപദേശശതകം. ശ്രുതിയുക്ത്യനുഭവങ്ങളുടെ വെളിച്ചത്തില് അദ്വൈതബോധമാണ് ജഗത്തിന്റെ പരമസത്യമെന്ന് സംശയാതീതമായി ഇതില് തെളിയിക്കപ്പെട്ടിരിക്കുന്നു. സ്വാനുഭവത്തിന്റെ മാധുര്യം നിറഞ്ഞുനില്ക്കുന്നതായതുകൊണ്ട് വെറും വായനയിലൂടെ തന്നെ ദിവ്യത്വം പകര്ന്നനുഭാവിക്കാന് ഉതകുന്ന ഒരു കൃതിയാണിത്. ആ സ്ഥിതിക്ക് ഇത് വേണ്ടപോലെ മനനം ചെയ്തു ഗ്രഹിക്കുകകൂടി ചെയ്താലുള്ള കഥ പറയാനില്ലല്ലോ. ശാസ്ത്രബോധവും അനുഭവഭാഗ്യവും സിദ്ധിക്കാത്തവര്ക്ക് ഇതിന്റെ താല്പര്യം സ്പഷ്ടമാകാന് പ്രയാസമാണ് എന്ന് ശ്രീ ബാലകൃഷ്ണന് നായര് അഭിപ്രായപ്പെടുന്നു. ലേഖനം മുഴുവന് വായിക്കുക »
നിര്വാണഷട്കം പ്രഭാഷണം MP3 – ശ്രീ നൊച്ചൂര് വെങ്കടരാമന്
ശ്രീശങ്കരാചാര്യഭഗവദ്പാദരുടെ നിര്വാണഷ്ടകം എന്ന വേദാന്തപ്രകരണകൃതിയെ അധികരിച്ച് ശ്രീ നൊച്ചൂര് വെങ്കട്ടരാമന് ചെയ്ത പ്രഭാഷണ പരമ്പരയുടെ MP3 ഓഡിയോ ഇവിടെ ശ്രവിക്കാം, ഡൗണ്ലോഡ് ചെയ്യാം. വേദാന്തഗ്രന്ഥങ്ങളുടെ വ്യഖ്യാതാവും വോദാന്തപ്രഭാഷകനുമായ പ്രൊഫ. ജി. ബാലകൃഷ്ണന് നായര് ഈ ഗ്രന്ഥം വ്യാഖ്യാനിച്ചിരിക്കുന്നു. നിര്വാണഷട്കം പി ഡി എഫ് ഡൗണ്ലോഡ് ചെയ്യാം. ലേഖനം മുഴുവന് വായിക്കുക »
മനീഷാപഞ്ചകം ശ്ലോകം അഞ്ച് – വ്യാഖ്യാനം
ഏതൊരു സുഖസമുദ്രത്തിന്റെ ലേശലേശം നുകര്ന്നിട്ടാണോ ഇന്ദ്രാദിലോകപലാകന്മാര്പോലും ആനന്ദനിര്വൃതരായികഴിഞ്ഞുകൂടുന്നത്, ലോകസങ്കല്പങ്ങള് പൂര്ണ്ണമായി ഉപശമിച്ച ചിത്തത്തില് ഏതൊന്നിനെ സാക്ഷാത്കരിച്ചിട്ടാണോ സത്യദര്ശി മൗനാനന്ദത്തില് ആണ്ടിരിക്കുന്നത്, ആ സുഖസമുദ്രത്തില് ബുദ്ധി അലിഞ്ഞു ചേര്ന്നയാളെ ബ്രഹ്മത്തെയറിയുന്നയാളായിട്ടല്ല സാക്ഷാല് ബ്രഹ്മമായിത്തന്നെയാണ് കരുതേണ്ടിയിരിക്കുന്നത്. അങ്ങനെയൊരാളുണ്ടെങ്കില് അദ്ദേഹത്തിന്റെ പാദത്തില് ഇന്ദ്രന്പോലും കുമ്പിട്ടു നമിക്കുന്നു. ഇതെന്റെ ഉറച്ച തീരുമാനമാണ്. ലേഖനം മുഴുവന് വായിക്കുക »
ഏകശ്ളോകി പ്രഭാഷണം MP3 – ജി. ബാലകൃഷ്ണന് നായര്
ശ്രീശങ്കരാചാര്യസ്വാമികള് രചിച്ച ഏകശ്ളോകി എന്ന ഒരു ശ്ലോകം മാത്രമുള്ള വേദാന്തപ്രകരണഗ്രന്ഥത്തിന് വേദാന്തഗ്രന്ഥങ്ങളുടെ വ്യഖ്യാതാവും വോദാന്തപ്രഭാഷകനുമായ പ്രൊഫ. ജി. ബാലകൃഷ്ണന് നായര് വ്യാഖ്യാനിച്ച് കേരള ഭാഷാ ഇന്സ്റ്റിറ്റ്യൂട്ട് പ്രസിദ്ധീകരിച്ച പ്രൗഢാനുഭൂതി പ്രകരണ പ്രകാശിക എന്ന ഗ്രന്ഥത്തില് നിന്നും എടുത്തിട്ടുള്ള വ്യാഖ്യാനവും ഈ വിഷയത്തില് അദ്ദേഹം തന്നെ നടത്തിയിട്ടുള്ള സത്സംഗ പ്രഭാഷണവുമാണ് താഴെ കൊടുത്തിരിക്കുന്നത്. ശ്രീ ബാലകൃഷ്ണന്സാറിന്റെ ഏകശ്ളോകി വ്യാഖ്യാനം പി ഡി എഫ് ആയി ഡൗണ്ലോഡ് ചെയ്യാനായി ലഭ്യമാക്കിയിട്ടുണ്ട്. അതുപോലെ, പ്രഭാഷണം MP3 ഡൗണ്ലോഡ് ചെയ്തു സീ ഡി യില് എഴുതി കേള്ക്കുകയോ, മൊബൈല്ഫോണ് മുതലായ മ്യൂസിക്പ്ലെയറുകളിലേക്ക് കോപ്പി ചെയ്തു കേള്ക്കുകയും ആവാം. മറ്റുള്ള ജിജ്ഞാസുക്കള്ക്ക് ഇവ എത്തിക്കുന്നതും വളരെ നല്ലതായിരിക്കും. ലേഖനം മുഴുവന് വായിക്കുക »
മനീഷാപഞ്ചകം ശ്ലോകം നാല് – വ്യാഖ്യാനം
ഏതൊരു ബോധമാണോ പക്ഷിമൃഗാദിജന്തുക്കളിലും മനുഷ്യരിലും ദേവന്മാരിലും ‘ഞാന് ഞാന്’ എന്നിങ്ങനെ സ്പഷ്ടമായി ഉള്ളില് ഗ്രഹിക്കപ്പെടുന്നത്, സ്വതേ അചേതനങ്ങളായ മനസ്സ് ഇന്ദ്രിയങ്ങള്, ദേഹം, വിഷയങ്ങള് എന്നിവ യാതൊന്നിന്റെ പ്രകാശം കൊണ്ടു മാത്രമാണോ ഉള്ളതായി അനുഭവപ്പെടുന്നത്, സൂര്യന് മേഘപടലംകൊണ്ടു മറയ്ക്കപ്പെടുന്നതുപോലെ ആ ബോധം ദൃശ്യപദാര്ത്ഥങ്ങളാല് മറയ്ക്കപ്പെട്ടിരിക്കുന്നു എന്നു ഭാവചെയ്ത് മനസ്സ്, ആ സത്യത്തില് യോജിപ്പിച്ച് നിത്യതൃപ്തനായിക്കഴിയുന്ന യോഗി ഗുരുവാണ്. ഇക്കാര്യം എന്റെ ഉറച്ച നിശ്ചയമത്രേ. ലേഖനം മുഴുവന് വായിക്കുക »
