പ്രൊഫ. ജി. ബാലകൃഷ്ണന് നായര്
പ്രൊഫ. ശ്രീ ജി. ബാലകൃഷ്ണന് നായര് തിരുവനന്തപുരത്തു് പേരൂര്ക്കടയില് 1923 ഫെബ്രുവരി 5-നു് ജനിച്ചു. പാലക്കാട് വിക്ടോറിയ കോളേജ്, തിരുവനന്തപുരം മഹാത്മാഗാന്ധി കോളേജ്, ഗവ: സംസ്കൃത കോളേജ്, വിമന്സ് കോളേജ് എന്നിവിടങ്ങളില് ലക്ചറും പ്രൊഫസറുമായി സേവനം അനുഷ്ഠിച്ചു. 1978-ല് പെന്ഷനായി.
ശിവഗിരി ബ്രഹ്മവിദ്യാലയത്തിലെ മുഖ്യ ആചാര്യനായി സേവനം അനുഷ്ഠിച്ചു. കാല് നൂറ്റാണ്ടില് കൂടുതല് ഉപനിഷത്തുകള്, യോഗവാസിഷ്ഠം, ഭഗവദ് ഗീത, ശ്രീ നാരായണഗുരുദേവ കൃതികള് എന്നിവയെ ആധാരമാക്കിയുള്ള പ്രഭാഷണ പരമ്പരകളിലൂടെയും ഒട്ടേറെ ഗ്രന്ഥങ്ങളുടെ രചനയിലൂടെയും കേരളത്തിലെ ആദ്ധ്യാത്മിക രംഗത്തു് സാരമായ ചലനം സൃഷ്ടിച്ചു. ഇപ്പോള് തിരുവനന്തപുരം പേട്ടയിലുള്ള സ്വന്തം വസതിയില് വിശ്രമ ജീവിതം നയിക്കുന്നു.
കൃതികള്
ശ്രീമദ് ഭഗവദ് ഗീത – ശിവാരവിന്ദം മഹാഭാഷ്യം
വേദാന്ത ദര്ശനം – ഉപനിഷദ് സ്വാധ്യായം
വാസിഷ്ഠസുധ – യോഗവാസിഷ്ഠ സാരം
ശ്രീ നാരായണഗുരുദേവ കൃതികള് – സമ്പൂര്ണ വ്യാഖ്യാനം
ഭാഷ്യപ്രദീപം – ബ്രഹ്മസൂത്രഭാഷാനുവാദം
രണ്ടു വിദ്യാരണ്യ കൃതികള് – പഞ്ചദശി, ജീവന്മുക്തിവിവേകം
പ്രൗഢാനുഭൂതി – പ്രകരണ പ്രകാശിക
രണ്ടു മലയാള മാമറകള് – ഹരിനാമകീര്ത്തനം, ജ്ഞാനപ്പാന
നിങ്ങളുടെ അഭിപ്രായം രേഖപ്പെടുത്തൂ
എല്ലാ അഭിപ്രായങ്ങളും നിരീക്ഷണത്തിന് വിധേയമാണ്.